KORONADAL CITY – Halos indi sa gihapon mag-untat ang selebrasyon sang mga Canadians matapos nga ginpierde sang ila team nga Toronto Raptors ang defending champion nga Golden State Warriors sa Game 1 sang NBA Finals .
Sa nasambit nga hampang, ginlutos sang Raptors ang Warrios sa score nga 118-109.
Ginpatigayon ang nasambit nga event sa Scotiabank Arena kun diin napuno sang mga manuglantaw ang nasambit nga arena samtang may free viewing naman sa mga sinehan ang mga dalagko nga edifisyo bilang kabahin sang ila suporta sa hubon nga una nga tion nga nakasulod sa NBA Finals.
Ginpahayag pa sa Bombo Radyo Koronadal ni Bombo Correspondent Jean Mansilla Yap, residente sang Toronto gikan sa Isulan, Sultan Kudarat, nabatyagan nila ang NBA fever bangud nga madamo sang NBA fans ang nagpadulong sa Toronto agud nga makalantaw sang championship game sang duha ka team.
Samtang, naglab-ot naman sa $1,000 ang pinakabarato nga ticket sa nasambit nga hinampang.
Dugang pa ni Yap, fully booked man ang mga hotel para lamang ipakita ang ila nga suporta sa hubon.
Sa pihak nga bahin, natalana naman nga ideklarar nga holiday sa Lunes ang Game 2 sang magkaribal ngahubon.
