KORONADAL CITY- Nagapadayon sa karun ang imbestigasyon sang Tupi PNP sa nagluntad nga pagpangluthang sa Brgy. Linan, Tupi, South Cotabato.
Ginkilala ang biktima nga si Mario Fuentes, 56 anyos kag residente sang Prk 2 Brgy. Linan, Tupi, South Cotabato kun sa diin suno sa bata sini nga si Jan-Jan Fuentes, nagapangape lamang suno pa ang amay sini sang gulpi na lamang nagsulod ang apat nga kalalakihan kag ginluthang ang iya amay sa ulo.
Dead on the spot si Fuentes kag gilayon naman nga nagpalagyo ang mga suspek sa wala mahibaluan nga direksyon.
Kaangot sini suno sa pamilya sang biktima wala suno pa sila sang ihibalo nga may kaaway ang biktima apang bag-o pa ini ginpatay may mga nasiplatan na nga mga salakyan kag motorsiklo malapit sa puluy-an sang biktima.
Samtang kaangot sini suno naman sa masaligan nga source sang Bombo Radyo Koronadal, ang biktima ang Campaign Leader suno pa sang incumbent governor kag gubernatorial candidate nga si Daisy Avance-Fuentes.
Sa karun ginahibalo pa kun may kaangtanan gid sa pulitika ang nasambit nga krimen.
