KORONADAL CITY – Lauman suno pa sang mga otoridad ang mas dako nga balor sang damyos nga gintuga sang California wildfire nga nagapanalasa subong sa in-ektarya nga mga duta.
Suno kay Bombo correspondent to USA Peter Jabido, madamo nga mga puloy-an, edipisyo, duta kag negosyo ang ginsunog sang nasambit nga kalamidad bangud sa mainit nga paniempo kag gindunganan pa sang malapnagon nga sunog.
Mangin ang ginakabig nga wine country sang estado nga makit-an sa Napa County ang wala man nakaluwas sang pagpanalasa sang wildfire.
Dugang ni Jabido, out of control na ang sitwasyon sa subong kag nagakahangawa man ang mga bumbero agud tapnaon ang sunog.
Paglaragway pa sini, “the worst in the world” ang kalidad sang hangin sa subong kag gin-abisuhan ang mga pumuluyo nga magpabilin sa sulod sang puloy-an.
Ginpasiguro man sini nga wala sang Pilipino nga napilasan ukon napatay sa nasambit nga kalamidad.
