KORONADAL CITY- Ginpasakaan na sang patong-patong nga kaso ang isa ka myembro sang CAFGU makaligad ang pagpanaya sini sang indi lisensyado nga armas sa isa ka barangay kagawad sa banwa sang Tantangan South Cotabato.
Ini ang gipahayag ni Pol Captain Romeo Albano, hepe sang Tantangan PNP sa esklusibo nga interbyu sang Bombo Radyo Koranadal.
Suno kay Albano, ginkilala ang suspek nga si Romar Estopar, soltero kag residente sang Brgy Dumadalig sa nasambit nga banwa.
Sa imbestigasyon sang PNP, hubog suno pa si Estopar rason nga ginsaway kag ginpakalman ini ni Barangay Kagawad Santiago Rodolfo.
Apang nagpakatig-a suno pa ang suspek makaligad ang ila nga komprontasyon kag nagpauli ini kag nagkuha sang iya nga home made long barrel shotgun kag gintayaan ang kagawad.
Bangud sini, madasig nga nagresponder ang kapulisan kag gilayon nga gin-arestar ang suspek.
Sa subong, kaso nga paglapas sa RA 10951 ukon Illegal Possession of Firearms kag frustrated murder ang pagaka-atubangon sang nasambit nga CAFGU Member.
