KORONADAL CITY- Nagapadayon ang imbestigasyon sang mga otoridad angot sa natabo nga pagpangluthang sa 2 ka persona sa Kidapawan City.
Suno kay Police Lt Col Ma. Joyce Birrey, hepe sang Kidapawan City PNP, ginkilala ang mga biktima ang ginkilala kanday Gerry Mee Alforque Makilang 37 anyos, isa ka STL employee, residente sang Sitio Maligaya kag Edwin Puntungan, 29 anyos , Special Civillian Armed Forces Geographical Unit member sang 39th IB kag residente sang Dalag, Marilog District, Davao City.
Base sa imbestigasyon sang Kidapawan City PNP, gintiro sang gunman nga sakay sang Pick-up truck nga duag puti ang 2 ka biktima nga sakay naman sa motorsiklo.
Naka-angkon sang igo sang bala sa nagkalain-lain nga parte sang ila nga lawas kag gilayon nga gindangat sa balay bululngan.
Narekober sa crime scene ang tatlo ka empty shells sang caliber 45 pistol nga gin-usar sa pagpangluthang.
Sa karon, personal grudge ang isa sa mga ginasundan nga anggulo sang PNP sa pagpangluthang sa mga biktima
