KORONADAL CITY- Patay on the spot ang isa ka katapu sang Citizens Armed Forces Geographical Unit, o CAFGU nga ginkilala kay Ariel Tanio Wacan, makaligad nga ginluthang ini sa Barangay Poblacion Matalam Cotabato.
Ini ang kumpirmasyon ni P/Lt.Col. Arniel Melocontones, Hepe sang Matalam PNP sa interbyu sang Bombo Radyo Koronadal.
Suno sa iya , ginpalapitan lamang sang isa ka lalaki ang suspek samtang nagatindog sa isa ka gilid sang kalsada sa isa ka residential area sa Matalam kag gilayon ini nga ginluthang rason sang iya gilayon nga kamatayon.
Dala suno pa sang suspek ang bag sang biktima padulong sa lugar nga wala pa nahibaluan.
Nahibaluan nga si Wacan ang residente sang Barangay Valencia di lamang layo sa Pikit sa probinsya din sang Cotabato.
Personal grudge naman ang ginatan aw nga motibo sa krimen.
Sa karon nagapadayon ang imbestigasyon sang mga otoridad agud matumod na ang may kahimuan sa nasambit nga krimen.
