KORONADAL CITY- Luyag nga ipapreso kag pasakaan kaso sang isa ka mister ang kaugalingon nga misis makaligad nga madakpan ini nga nakigrelasyon sa isa ka CAGFU kag nag-upod pa sa sulod sang kampo sa banwa sang Tampakan, South Cotabato.
Sa interbyu sang Bombo Radyo Koronadal kay Jimboy Cante nga residente sang Pula Bato, Tampakan South Cotabato, siya mismo ang una nga nakahibalo nga nakigrelasyon ang iya asawa nga si Regin sa isa ka CAFGU nga ginkilala kay Eric matapos nga masakpan ini paagi sa cell phone sang iya asawa.
Rason nga ginpangita sini ang asawa sang CAFGU kag gin-awhag nga ireklamo ang duha sa Bombo Radyo kag kadtuan ini sa kampo sa banwa sang Tampakan.
Sa panaysayon ni Jimboy, nagsugod ang pakigrelasyon sang iya asawa sa CAFGU sang bulan sang Nobyembre.
Nakibot naman ang asawa sang CAFGU nga si alyas Jay Ann sang ginpakita ni Jimboy ang mga laragway sang ila bana kag asawa nga yara sa cellphone ni Regine.
Nadakpan man mismo sang mga ini sa sulod sang kampo ang CAFGU kag kabit sini.
Wala naman sang ihibalo ang CO sang nasambit nga CAFGU apang aminado ini nga magapangatubang sa disciplinary action si Panes.
Nahibaluan nga ang ginhatag nga kulintas sang asawa sang CAFGU ang ginhatag pa sini sa iya nga kabit nga amo ang palatandaan sang ila nga relasyon.
Ginpahayag naman ni 2ndl Lt. Ranjan Palacio, spokesman sang 27th IB Philippine Army nga wala nila ginatolerar ang hitabo kag indi na ini dapat nga natabo sa sulod sang kampo.
