CAFGU arestado sa akto sa pagbaligya sang droga, halos P400 shabu nakumpiskar

KORONADAL CITY – Preso na sa karon ang isa ka katapo sang Citizens Armed Forces Geographical Unit (CAFGU) nga nagabulig sa pagdakop sa mga local Islamic State-inspired group makaligad nga maarestar sa akto nga nagabaligya sang iligal nga droga.

Ginkilala ni PDEA-12 Director Naravy Duquitan ang suspek nga si Jhien Sumapal, 45 anyos nga residente sang Pikit, North Cotabato.

Nadakpan ang suspek makaligad nga nakig-transaksyon sa PDEA Agent kun sa diin nakuha sa iya ang halos P400,000 nga kantidad sang shabu.

Natalana naman nga pasakaan sang kaso nga paglapas sa Republic Act 9165 ukon Dangerous Drugs Act of 2002 ang suspek.