Coffee and nature lover ka? Basi magustuhan mo ang Cliff Coffee sa Fujian, China, nga nakahamtang sa kilid sang pil-as nga may 60 metro halin sa sea level, kag kilala bilang “pinaka-extreme nga café sa kalibutan.”
Ginakabug-usan ini sang mga rectangular nga plataporma nga nakakabit sa pil-as kag nagaserbi nga pulungkuan para sa mga bisita.
Agud makadtuan ang café, kinahanglan anay magbyahe sang 30-minuto nga ‘via ferata’ trail kag mag-rappel pababa sa plataporma sa idalom sang giya sang isa ka instruktor.
Bukas halin 2004, liwat nga nagsikat ang café sang magviral ini sa social media.
Bangud sa mataas nga interes sang mga turista, hugot ang mga ginpatuman nga palasundan kasubong sang kinahanglan ang advance reservations kag indi mahimo mag-rappel sa plataporma nga wala sang supervision sang staff.
Samtag, nagabalor naman ang isa ka tasa sang kape sa Gushi Cliff Coffee sang 398 yuan ukon P3,200.
Sa karon, padayon nga ginadagsa sang mga turista kag bisita ang nasambit nga cafe agud maekperyensyahan ang kape kag adventure.
