KORONADAL CITY – Nagapawagan sa subong ang Koronadal City Anti-drug Abuse Council (CADAC) sa tanan nga mga 27 ka barangay nga mag koordinar kag pagbulig sa kampanya sang gobyerno angot sa paglikaw sa mga residente nga mag usar sang ginagumilian nga illegal nga droga.
Sa interview sang Bombo Radyo Koronadal kay Koronadal City Anti-Drug-Abuse Council Action officer Vicente De Jesus, ginpahayag sini nga padayon ang pagpakig-angot sini sa tanan nga mga katapo sang Barangay Anti-drug Abuse Councils agud nga magmadinalag-on ang pagsupil sang gobyerno batok sa pag usar sang illegal nga droga.
Ginpahayag man sini nga dako ang bulig sang mga sang Barangay Anti-drug Abuse Councils sa mga City Anti-drug Abuse Council (CADAC) agud nga mahimo ang tumong sini nga e-minimize ang naga usar sang illegal nga droga sa Koranadal.
Naga padayon man ini sa pagpakig-angot sa mga law-enforcement units agud nga magpatigayon sang Anti-Drug Operations kag madakpan ang mga nagapadayon sa paglapas sa layi nga mahimo mangin peligroso sa mga residente ukon mga inosente nga kabuhi sa isa ka lugar
