Ginalauman sang Civil Aviation Authority of the Philippines (CAAP) ang pagdagsa sang mga pasahero sa mga pahugpaan karon nga Semana Santa, nga ginabulubanta magdangat sa 550,000 ka mga biyahero, nga mas mataas kumpara sa 500,000 nga pasahero sang nagligad nga tuig.
Suno sa CAAP, indi man ginpunggan sang mataas nga presyo sang petrolyo ang mga biyahero, kay kadam-an nakapareserba na sang ila flights antes pa mag-umpisa ang tensyon sa Middle East.
Bilang sabat sa epekto sang oil price hike, ginpahayag sang CAAP ang pagpanubo sa aeronautical fees kag Passenger Service Charges (PSC) bilang bulig man sa mga byahero nga magapauli sa ila mga probinsya subong nga Semana Santa.
Lakip sa mga tikang amo ang may 50% nga buhin sa aeronautical fees kag diskwento nga nagalabot sa P5,000 sa landing charges.
