-- ADVERTISEMENT --
Ginkumpirma sang Civil Aviation Authority of the Philippines (CAAP) nga nag-emergency landing ang isa ka Cebu Pacific flight pabalik sang Mactan-Cebu International Airport (MCIA) aga sang Sabado, Marso 8.
Suno sa ahensiya, nakaeksperensya sang landing gear issue ang Cebu Pacific Air flight CEB588 rason nga nagbalik ini sa Mactan-Cebu International Airport pasado alas-5:30 sang aga.
Nahitbato ang insidente samtang pakadto ang eroplano sa Maynila.
Nakwaan man sang video ang sitwasyon sa sulod sang eroplano sang nahitabo ang insidente kung sa diin naghatag sang safety instruction ang isa ka flight crew sa mga sakay nga pasahero.
Suno sa CAAP, nakaluwas ang tanan nga mga pasahero kag crew nga sakay sang nasambit nga eroplano.
