Ginapaabot nga dumugon sang mga pasahero ang public terminal sang syudad sang Koronadal subong nga tion sang Semana Santa, bangud wala sang byahe sa masami nga ruta sa Biernes Santo
Ini ang ginkumpirma ni kay Bernard Bolanio, Operations Manager YBL Terminal, sa interbyu sang bombo radyo Koronadal.
Sa ginpatigayon nga monitoring kahapon, indi suno pa madamo ang pasahero sang Lunes Santo kag Martes Santo.
Apang ginapaabot nga magadoble ang numero sang pasahero pag-abot sa tunga sang semana, ilabi na sugod Miyerkules Santo.
Dugang pa niya,Base sa ila naeksperyenshan sang nagligad nga mga tuig, nagabuylo ang mga pasahero sugod Martes o Miyerkules kay kabalo sila nga limitado ang byahe sa Biernes Santo.
Ginpasiguro man sang mga otoridad nga may nagakaigo nga units sang bus nga magabiyahe para sa Holy Week agud maserbisyuhan ang mga pasahero nga pauli sa ila tagsa ka probinsya.
Nagapanawagan man ang mga otoridad sa publiko nga magpa-una byahe kon mahimo agud malikawan ang kabudlay bangud sa damo nga tawo sa terminal.
