Bus nasunog sa Tantangan, SoCot; 40 ka pasahero luwas

KORONADAL CITY – Nagapadayon ang imbestigasyon sang Tantangan PNP sa pagkasunog sang isa ka unit sang Husky bus subong gd lamang nga hapon.

Suno kay Brgy. Kapitan Musa Magon sang Barangay Magon, Tantangan, South Cotabato, nasunog samtang ginasubay sang Husky Bus nga may body number 4588 ang national highway.

Antes pa man naglupok ang royda sini nga gintunaan sang pagkalayo tubtob naglapta sa bilog nga bus.

Nagikan suno pa ang bus sa siyudad sang General Santos nag agi sa siyudad sang Koronadal kag padulong na sa Tacurong City.

Dako ang posibilidad nga electric wiring ang rason sang pagkasunog sang bus.

Wala naman sang may napatay o napilasan sa insidente sa 40 ka mga pasahero sini lakip na ang drayber kag konduktor sini.