Pagimbestigahan ni Senador Sherwin Gatchalian ang ginapaabot nga alegasyon sang corruption batok sa pamunuan sang Bureau of Immigration (BI).
Nanawagan si Gatchalian sang mas mahugot kag estrikto nga pagpapatuman sang mga polisiya kontra sa Philippine Offshore Gaming Operators (POGO), labi na sa bahin sang pagpapa-deport sang mga dayuhan nga may kahilabtanan sa industriya.
Ginpabakod pa sang senador nga lider sang adbokasiya sa pagpahalin sang POGO sa pungsod nga ang indi insakto nga proseso sang deportasyon mahimo magresulta sa paglikaw sang mga dyuhan sa ila nga sala.
Suno sa report, may mga empleyado sang BI nga nagsulat sa Presidente parte sa ginapaabot nga pag-abuso sa poder sang isa ka mataas nga opisyal sang ahensya, lakip na ang pagpadasig sang piyansa para sa mga dayuhan nga konektado sa POGO kag iban pa nga makapangyarihan nga personalidad sa industriya.
Dugang pa sini, ginbuyagyag sang mga empleyado ang isa ka bag-o nga modus operandi sa sulod sang BI, nga naga-involve sa pagpamaligya sang permanent quota visas sa mga tawo nga makahatag sang pinakamataas nga bid.
