Gina-nunsyar sang Bureau of Corrections (BuCor) karon nga Biyernes ang pag-relieve ukon pagkakas sa puwesto sang duha (2) ka superintendent kag ang pagbalik sa pwesto sa pila ka mga opisyales bilang bahin sang tikang agud mapabakod ang pagpanindugan sang ahensya.
Ginpahayag sang BuCor nga ginkuha sa ila puwesto sanday Leyte Regional Prison Superintendent Ricardo Sespene Jr. kag Marjorie Ann Sanidad, hepe sang Correctional Institution for Women (CIW), samtang ginahimo ang imbestigasyon bahin sa ila ginahimo kag pamunuan.
Samtang, gintalaga man si Sespene sa BuCor Land Control and Management Center – Anti-Squatting Unit, samtang si Sanidad ginbalhin naman sa New Bilibid Prison Hospital.
Suno kay Gregorio Catapang Jr., tuyo sang pagbag-o sa pamunuan nga siguraduhon ang padayon pagsustenir sang mga pasilidad ang ila “twin mandate” nga safekeeping kag reformation, upod ang pagmentinar sang pagsalig kag kumpiyansa sang publiko.
