KORONADAL CITY – Nagbun-ag sa patrol car ang isa ka nagadala nga babaye nga gindakop sang mga otoridad sa Bayawak Purok 2 President Quirino Sultan Kudarat.
Sa interbyu sang Bombo Bombo Radyo Koronadal kay P/Executive master Sargeant Edgat Galande Mespo sang President Quirino MPS, samtang yara sa kustodiya sang mga otoridad ang buntis naglesensiya ini nga magpadulong sa Comfort Room apang hinali nga ginsakitan sang tiyan.
Gin-ako sang babaye nga manugbata na ini bangud sini nga bulan ang due date sini.
Gilayon naman ini nga ginsakay sa patrol car agud nga dal-on sa pinakamalapit nga hospital apang samtang padulong pa lamang didto ang patrol car wala na sini mapunggan ang pagbun-ag tubtob nagguwa ang bata sa pag-asister sang katapu sang BFP.
Isa naman ka mapagros nga baby girl ang iya nga bata kag nagapaayo na karon sa hospital.
Sandig sa kapulisan, indi sa gihapon abswelto si Misis bangud magapangatubang sa gihapon ini sang kaso nga illegal gambling sa iya pagguwa sa balay-bululngan.
