KORONADAL CITY – Napuno sang duag puti nga rosas kag balloons ang tupad sang mga laragway sang 3 ka mga biktima sang madinuguon nga aksidente sa dalanon sa bahin sang bahin sang Prk 3, Brgy. Crossing Rubber Tupi, South Cotabato.
Sa ginpatigayon nga seremonya sa South East Asian Institute of Technology (SEAIT) ginhatagan sang ligwa ang pagpaabot sang pagpangasubo kag pagpakig-unong sang mga estudyante sa mga biktima nga sanday nga napatay nga amu sanday CCJE instructors, Ma’am Rezile De Padua, Ma’am Glykiel Jade Bico kag intern student, Jonaira Ambaco.
Napuno man sang pagpangasubo ang Faculty and Staffs sang nasambit nga buluthuan sa nadangtan sang tatlo sa mga miembro sini.
Magluwas diri, nagdakot man sang kandila ang mga estudyante kag mga faculty and staffs kag admins sang nasambit nga buluthuan agud nga ipangamuyo ang kapahuwayan sang kalag sang tatlo ka mga biktima.
Madumduman nga suno sa Tupi PNP tatlo ang nasambit nga napatay sa vehicular accident kung sa diin mga biktima ang sakay sang motor nga padul-ong sa Tupi, samtang ang Hilux naman ang padul-ong sa opposite direksyon kung sa diin palakat sa Koronadal.
Samtanga padayon naman sang ginahimo nga settlements sa tunga sang pamilya sang mga biktima kag sa pamunuan sang tele company nga gina trabahuan sang driver sang Hilux nga amo si Anthony Teloren, 53-anyos, may asawa.
