Nakatala sang minor phreatic eruption sa bulkang Taal sa probinsiya sang Batangas makaligad ang 24 oras.
Base sa monitoring sang Philippine Institute of Volcanology and Seismology (PHIVOLCS), nagdugay ang phreatic eruption sang 6 nga minuto.
Ang phreatic-eruption ang pagbuga sang usok ukon steam kabangdanan sang pag-init sang tubig sa idalom sang lupa ukon sa surface nga ginapainit sang magma, lava, hot rocks ukon bag-o nga deposito halin sa bulkan.
Nagbuga ang bulkan sang 6,307 tonelada nga asupre kag nadiparahan nga ang pag-awas sang hot volcanic fluids sa Main Crater Lake.
Samtang, padayon nga naka saka sa Alert level 1 ang bulkan bangod sa posible nga sudden steam-driven ukon phreatic explosions kag iban pa nga mga peligroso nga aktibidad sang bulkan.
