KORONADAL CITY- Ginatinguhaan subong sang pila ka mga Overseas Filipino Workers sa pungsod Japan nga makontak ang ila mga himata kag mga abyan nga apektado sang nagluntad nga linog sa isla sang Hokkaido.
Sa eksklusibo nga interbyu sang Bombo Radyo Koronadal kay Bombo International Correspondent Maria Cecilia Ramos Kusuhara halin sa Brgy. Rotonda, Koronadal City nga masobra 30 ka tuig na nga naga istar sa Nagoya City, Japan, ginakahadlukan nga nagsaka na sa 70 ang patay sa nagluntad nga magnitude 6.6 nga linog samtang 19 naman ang missing makaligad suno pa nga matabunan sang nagtiphag nga bukod sa nasambit nga isla.
Sa karun pila sa mga residente sang Hokkaido ang indi sa gihapon makontak kag wala man sang suplay sang kuryente.
Samtang sa karun yara na sa 10 ang kumpirmado nga patay sa pagpanalasa sang Super Typhoon Jebi kun sa diin pinaka-apektado suno pa amuh ang Osaka kag Honshu.
Sa karun naka monitor lang sila sa mga balita kag nagalaum nga wala sang mga Pinoy nga nalamita sa asud-asod nga kalamidad.
