-- ADVERTISEMENT --
Isa ka pasyente sa Missuori ang nakitaan sang buhi nga langaw sa sulod sang iya tinae partikular na sa iya lagre intestine matapos nagpaidalom sa colonoscopy.
Suno sa 63 anyos nga lalaki, wala siya sang ideya kon paano nakalab-ot sa iya tinae ang langaw bangud wala man siya sang may nabatyagan nga sintomas.
Nagakatingala man ang mga doktor bangud wala natunaw ang langaw sa gastric acid sa tiyan kag nakalab-ot pa sa transverse colon.
Suno sa report, natigayon nga makuha sang mga doktor ang langaw sa tinae sang pasyente.
Bangud sa pinasahi nga medical case, gin-publish ini sang mga doktor sa The American Journal of Gastroenterology agud mangin reference sang mga gastroenterologists sa palaabuton.
