KORONADAL CITY – Ginpasiguro ni National Food Authority South Cotabato Provincial Manager Gerry Baquiran nga wala sang shortage sa suplay sang bugas sa probinsya.
Sa interbyu sang Bombo Radyo Koronadal kay Baquiran, ginpahayag sini nga padayon ang distribusyon sang NFA-South Cotabato sa mga major kag minor markets sa mga rice retailers sa bug-os nga probinsya.
Dugang pa sini nga sa pihak sang mga impormasyon nga kakulangan sang bugas sa iban nga mga lugar, indi malala ang sitwasyon sa probinsya.
Gin-insister pa sini nga wala man sang nagakadapat nga kabalak-an bangud nadistribwer na sa mga regional areas ang NFA rice kun sa diin sa Urban Areas, may dako nga allocation sang imported rice.
Kadungan sini, ginpasiguro ni Baquiran nga tubtob bulan sang Abril ang buffer stock sang NFA sa probinsiya.
