KORONADAL CITY – Nagapangabay ang bata sang biktima sa Maguindanao Massacre, sa administrasyon ni Marcos nga kuntani indi pagkalimtan ang natabo sa 58 ka mga nagkalamanay bangud sa pamulitika sang kusgan nga pamilya.
Ini ang ginpahayag ni Jhan Chienne Maravilla, bata ni Bombo Ernesto “Bart” Maravilla, nga isa sa mga biktima sang makahiridlis nga masaker sa interbyu sang Bombo Radyo Koronadal.
Suno sa iya, sa pila ka administrasyon na ang naglabay tubtob sa karun wala pa nila maangkon ang hustisya.
Dugang pa sini nga kahapon sa pagbisita nila sa nasambit nga site ang National Union of the Journalist of the Philippines ang nag-alay man sang pagpangamuyo, paghatag sang bulak kag nagsindi sang mga kandila sa grave site kung sa diin nakutkot ang bangkay sang mga biktima kalakip na diri ang 32 nga myembro sang media.
Sa piyak sini ang kahadlok kag kakulba ang wala man nagadula sa ila nga pamilya.
Nahibaluan nga sa Myerkules nga adlaw Nobyembre 23, 2022 ang anibersaryo sang makahiridlis nga krimen.
