-- ADVERTISEMENT --
Kumpiyansa ang Bangko Sentral sang Pilipinas (BSP) nga indi anay nila kinahanglan ang bisan ano nga interbensyon matapos ang pagpanubo sang bili sang Piso kontra sa Dolyar.
Suno sa Malacañang, padayon ang ginahimo nga monitoring sang BSP matapos ang maragtason nga pagpanubo sang Piso nga nag-abot sa P59.46 kontra sa US dollar sang Huwebes.
Nagsiling si Palace Press Officer Undersecretary Claire Castro nga ang posible nga rason sang pagpanubo sang Piso amo ang mga geopolitical tensions pareho sang sa tunga sang US kag Venezuela.
Kabahin man nga rason amo ang padayon nga imbestigasyon sang gobyerno sa mga anomalya sang flood control sa pungsod.
