Ginpahayag sang Bangko Sentral ng Pilipinas (BSP) nga posible maglab-ot ang average inflation sa 5.1% para sa 2026, bangud sa epekto sang pagsaka sang presyo sang gatong nga dala sang kinagamo sa Middle East kun sa diin mas taas kumpara sa target sang gobyerno nga 2% tubtob 4%.
Suno kay BSP Governor Eli Remolona, nnagasaka man ang presyo sang mga commodity kasubong sang fertilizer, nga magadugang sa food inflation.
Ginpahayag man ni Deputy Governor Zeno Abenoja nga sang una naga-projected sila sang 3.6%, apang subong posible nga maglab-ot sa 5.1%.
Ginkonsiderar man nila ang posibilidad sang transport fare hikes, pagsaka sang kuryente, kag fertilizer prices, apang ang pagkakas sang excise tax sa gatong mahimo mangin mitigator.
Bangud sini, nagdesisyon ang Monetary Board nga magpabilin ang key policy rate sa 4.25%, kag padayon nga nagabantay ang BSP sa mga epekto sang kiangamo.
