Nagtaliwan na ang kilalang British rock guitarist nga si John Sykes sa edad nga 65.
Suno sa iya kampo pila ka tuig na nga nagabato ini sa sakit nga cancer.
Si Sykes ang nagin gitarista sang mga sikat nga banda nga Whitesnake kag Thin Lizzy.
Siya ang nagbulig sang mga sikat nga kanta nga “Still of the Night” kag “Is This Love” sa duha ka album sang Whitesnake.
Nagumpisar ang iya musika nga karera sa tuig 1980 kaupod ang heavy metal band nga Tygers Of Tang, kag nakarecord sila sang duha ka album antes siya nagpasakup sa Thin Lizzy sa tuig 1982. Sa 1984, nag-entra siya sa Whitesnake sa pag-imbitar ni David Coverdale, ang founder kag frontman sang banda.
Pagkatapos sang iya paghalin sa Whitesnake, nagtukod siya sang iya kaugalingon nga banda nga ginatawag nga Blue Murder. Nagpaabot naman sang ila pakiramay kag tribute ang mga fans matapos mabatian ang iya pagtaliwan.
