Nagaatubang sang kaso ang British actress nga si Emma Hussen matapos gin-akusaran nga nagtinguha magpasulod sang masobra 320 kilos nga iligal nga droga padul-ong sa Australia halin sa West Africa.
Mahimo siya mapriso sang life imprisonment kun mapamatud-an nga may kahilabtanan siya sa pagpasulod sang methamphetamine ukon shabu sa nasambit nga pungsod.
Base sa imbestigasyon, upod ni Hussen ang isa ka mag-asawa halin South Australia nga ginaakusaran man sang pagpalusot sang droga nga gintago sa mga burutngan sang uling nga halin sa mga container halin sa Ghana.
Ginasiling nga nagabalor sang ginabulubanta $208 milyon ang nasambit nga iligal nga droga.
Una na nga ginbalibaran ang iya pangayo nga piyansa, kag magaatubang siya liwat sa korte sa bulan sang Agosto.
Nakilala si Hussen sa iya pag-arte sa pelikula nga “Hummingbird” sang 2013 upod kay aktor Jason Statham.
