-- ADVERTISEMENT --
Sa pungsod India, wala nagpangduha-duha ang isa ka bride nga mag walk-out sa adlaw sang iya kasal sang mahibaluan nga mahina ang groom sa multiplication.
Ginapahayag nga antes ang kasal, nagduda sa educational background sang iya mapamana ang wala na ginhingadlan nga bride.
Gani sa adlaw sang kasal, ginpamangkot sang bride ang groom kun sa diin ini nag-eskwela apang wala ini nagsabat, bangud sini gintestingan niya nga ipa-recite sa groom ang multiplication table by 2.
Diri kag iya nahibaluan nga indi ini makahibalo kag wala nakaagi eskwela ang lalaki, rason nga nag walk-out ang babaye sa ila kasal.
Nahibaluan nga arrange marriage ang natabo sa duha, gani wala sila nagkilalahay antes ang ila kasal.
