Nakaeksperyensya sang pagbaha ang Brgy. Tinongcop, Tantangan, South Cotabato makaligad nga nagbuhos ang mabaskog nga pag-ulan sa lugar.
Sa interbyu sang Bombo Radyo Koronadal kay Ma’am Elsa, residente sang Brgy. Tinongcop, Tantangan, South Cotabato, ginpahayag sini nga indi ini ang una nga tion nga sila ang nabahaan bangud nasanay na lamang sila nga taga mag -ulan gina ekspektar na nila nga magsulod na ang tubig-baha sa pipila ka mga panimalay.
Isa sa mga rason nga ila nga ginatan aw amo ang kanal nga tubtub sa karon wala pa nakay-o. Sa karon, nagapanawagan ini nga tani masolusyunan na sang ila nga opisyal ang pagkay-o sang mga darinage canal para hindi magpunong ang tubig sa kalsada.
Madugay na nila ini ginapanawagan apang sa karon kulukasubong nga daw wala sang aksyon kag sila ang ginapabungol-bungulan lamang.
