Padayon sa subong ang pagpahugot sang pamunuan sang Barangay San Jose, Koronadal City sa pagbantay sang ila nga areas of responsibility bangud sa nangin issue sang van nga suno pa naglibot libot sa ila nga lugar nga nagtuga man sang kakugmat sang pila ka mga residente.
Ini ang nangin pahayag ni Kapitan Danilo Simtim- Barangay Kapitan sang Barangay San Jose, Koronadal City sa interview sang Bombo Radyo Koronadal.
Suno sa iya, padayon ang hugot nga pagbantay sang ila nga mga Barangay Peace Action Team (BPATs) sa mga checkpoint sang mga ini agud nga proteheran ang ikaayo sang ila nga mga pumuluyo agud nga madasig ang mga ini nga makapangayo sang mga nagakaangay nga bulig sa labi na sa nagadata nga krimenalidad sa bilog nga pungsod kag makaligad man sang mga nagal libot nga mga modus sa van nga suno pa naga panguha sang mga mabiktima san mga ini agud nga kuhaan sang kasudlan kag himu-an sang mga malain.
Sa subong , padayon ang pag bantay sang ila nga mga BPATs para man sa tanan nga mga naga agi kag mga residente sang nasambit nga barangay.
