Boluntaryo ng nagsungka sa mga otoridad ang isa ka Barangay Kapitan nga prime suspect sa pagpangluthang-patay sa duha ka mga indibidwal sa Bagontapay, Mlang, Cotabato, Oktubre 19, 2024.
Nagsungka si Barangay Kapitan Ivan Roy Macantan sa kapulisan sang Oktubre 24, 2024 apang pagkaligad sang pila ka oras, temporaryo man ini nga ginhilway matapos nga makapiyansa sang P120,000 sa kaso nga attempted murder.
Samtang, wala pa napaguwa ang warrant of arrest sa duha ka kaso sang frustrated murder kag two counts sang murder.
Madumduman nga duha ang napatay kag tatlo ang napilasan lakip na angn duha ka suldado sa nagluntad nga pagpangluthang samtang may selebrasyon sang kafiestahan sa lugar.
Una na nga ginkumpirmar ni PolMaj Rissa Hernaez, tigpamaba sang PNP 12 nga involbado ang kapitan sa nagluntad nga kinagamo kun diin ini ang nagpanguna sa pagpalupok.
Madumduman nga ginkilala ang isa sa mga napatay nga si Romnick Villaram Reyes, 28-anyos, barbeque vendor nga residente sang Purok Masinulundon, Barangay Bagontapay, Mlang, Cotabato.
Hugot naman nga ginpanginwalal ni Kapitan Macantan nga sila ang nagpanguna sa kinagamo bangud nagdepensa lamang suno pa sila sang ila kaugalingon matapos una nga palukpan.
Nahibaluan nga magakandidato pa si Macantan sa madason nga eleksiyon matapos nga nagfile sang COC sa pagka-konsehal.
