KORONADAL CITY- Nagapadayon sa karon ang imbestigasyon sang mga otoridad sa nagluntad nga pagpangluthang sa pamilya sang isa ka brgy Kapitan kag BPAT Member sa Tacurong City.
Suno sa Tacurong City PNP, ginkilala ang mga biktima nga sanday Abdul Kenis Daud, 44-anyos kag Brgy Kapitan sang Brgy Lilit, Lambayong, Sultan Kudarat kag ang brgy tanod nga si Kahir Kasiba sa natabo nga pagpangluthang sa J. Quirino Mercado Ave, Brgy Poblacion, sa nasambit nga syudad.
Pilason naman ang bata sang kapitan nga ginkilala kay Riannie Guiwan Daud, 21-anyos kag hinablos ni Kapitan Daud nga si Abdulrakman Daud Silawan, 22-anyos.
Nagagwa sa imbestigasyon nga halin suno pa sa Sharia Court ang mga biktima kag nag-agi lang sa isa ka tindahan agud magbakal sang tsinelas sang gintiro sang wala pa makilalal-an nga mga suspek.
Sa ngayon, blangko pa ang mga otoridad sa motibo sa pagpangluthang apang wala man ginadula sang mga otoridad nga may kaangtanan sa pulitika ang nasambit nga krimen.
