KORONADAL CITY- Ginkustodiya na sang mga otoridad ang barangay kapitan kag misis sini makaligad madakpan sa posisyon sang mga ini ang iligal nga droga kag armas sa probinsya sang North Cotabato.
Ginkilala ni Police Chief Inspector Ronnie Corder, hepe sang Kabacan PNP ang naarestar nga si Kapitan Datu Bong Bacana, brgy. chairman sang nasambit nga barangay kag ang misis sini nga si Baliling Bacana.
Ginpangunahan sang Philippine Drug Enforcement Agency o PDEA 12 ang operasiyon batuk sa mga suspek sa puluy-an sang mga ini sa Sitio Lumayong, Barangay Kayaga, Kabacan.
Nakuha naman sa mga suspek ang 9 ka pakete sang ginapatihan nga shabu, armas kag mga drug paraphernalia.
Base sa report madugay n suno pa nga gina monitor si Kapitan kag asawa sini bangud sa involvement sa iligal ng droga.
