Gusto sang kampo ni Olympic boxer Eumir Marcial nga himuon nga pribado lang kag indi na ipahibalo sa publiko ang bisan ano nga away nila sang iya asawa nga si Princess.
Suno kay Atty. Marlon Morada, nga ginpanugyanan na niya ang boksingero nga istoryahon ang ila awayan nga mag-asawa sa husto nga lugar.
Wala pa sila sang nabaton nga pormal nga reklamo gikan sa iya asawa.
Ginpasalig pa sang abogado nga kon mabaton nila ang nasambit nga reklamo, dayon sila maghatag sang sabat diri.
Madumduman nga nagpasaka na sang reklamo ang kampo ni Princess Marcial sang paglapas sa Anti-Violence Against Women and their Children Acts of 2004 sa Pasay City prosecutors office sang Biyernes.
Antes sini, gin-istorya ni Princess ang ginhimo nga pagmaltrato sa iya sang boksingero kon diin nadakpan daw niya nga may kaupod nga babaye sa sulod sang kwarto.
Ginbalibad sang boksingero ang nasambit nga alegasyon sang iya asawa.
