KORONADAL CITY– Ginpakigbahin sang mga Bombo Radyo Koronadal Volunteers ang ila masadya kag challenging nga na eksperyensyahan bilang mga Bombo Radyo Koronadal Volunteers sa nagtakop lamang nga May 13, 2019 midterm elections.
Sa interbyu sang Bombo Radyo Koronadal kay Abegail Cadellino, dako nga hangkat sa iya nga maka interbyu sa mga matag-as nga mga COMELEC officials sa South Cotabato kag nangin dream come true kag fulfilling man nga mangin isa ka volunteer reporter bangud handom sini nga makatrabaho sa Bombo Radyo.
Suno naman kay Jeffrey De Ala, mas ginpili sini nga mangin Bombo Volunteer sa baylo nga magsirbe sa mga kandidato sang eleksyon agud makabulig sa mga botante agud mapalab-ot ang ila nga concerns sang nakaligad nga eleksyon.
Dugang naman ni Cesar Ian Aracena, indi suno pa ini makapati nga ma overconme sini ang iya kahadlok nga maghambal sa publiko kag nadugangan ang iya kumpiyansa sa kaugalingon kun sa diin nangin proud ang iya pamilya sa iya nangin performance bilang volunteer reporter sang eleksyon.
