KORONADAL CITY– Gindayaw sang Philippine Red Cross ang Bombo Radyo Philippines sa panibag-o nga milestone sini sa paghatag sang matuod-tuod nga serbisyo publiko sa pumuluyong Pilipinhon.
Suno kay Orly Dela Cruz Chairman sang Philippine Red Cross South Cotabato Chapter Board of Directors , pamatuod diri ang madinalag-on nga Dugong Bombo 2017 sa suporta sang mga South Cotabateños sa mga programa sang Bombo Radyo para sa mga nagakinahanglan sang dugo kag para makasugpon sang kabuhi.
Ginkilala man sini ang proyekto sang Bombo kun diin sa sulod sang isa lamang ka adlaw tuman ka damo nga dugo ang natipon.
Gintawag man sini nga most trusted radio station ang Bombo Radyo Philippines labi na kag nahimo sang istasyon nga isahon ang nagkalain-lain nga ahensiya sang gobyerno lakip na ang mga pribado nga sektor para sa isa lamang ka tinutuyo nga makabulig sa isigkapareho.
Liwat man nga gin-insister sini ang importansiya sa pagpakig-angot sang PRC sa Bombo Radyo agud masabata ang panginahanglanon sang dugo sa pungsod ilabi na nga sa tion nga mag abot ang bulan sang Nobyembre kag Disyembre, nagadata ang balatian nga Dengue.
