KORONADAL CITY – Napunggan sang mga otoridad ang plano nga pagpasigabong sang IED sa national highway sakop sang Lambayong, Sultan Kudarat pasado alas-7 kaina sang aga.
Sa interbyu sang Bombo Radyo Koronadal kay Lt. Gino Fegarido, OIC chief of police sang Lambayong PNP, wala makalusot sa checkpoint ang nakamotorsiklo nga suspek nga may dala sang nasambit nga bomba.
Samtang nagapalapit sa checkpoint ginhaboy suno pa sang mga wala pa makilal-an nga suspek ang IED sa higad sang highway nga nakasulod sa sako.
Gilayon nga ginchekyar sang mga pulis ang ginhaboy nga sako kag nakita ang bala sang mortar.
Sa subong, nagapadayon ang imbestigasyon sang mga otoridad.
Gin-ako man sang opisyal nga antes pa man natukiban ang mortar may nabaton na sila nga report nga plano pasigabungan ang banwa sang Lambayong.
