KORONADAL CITY- Uyat na subong sang Isulan PNP ang kuha sang CCTV footage sa nagluntad nga panibag-o nga pagpamomba sa Isulan, Public Market, Brgy. Kalawag III, Isulan Sultan Kudarat.
Sa ekslusibo nga interbyu sang Bombo Radyo Koronadal sa isa sa mga survivors sang pagpamomba kag isa man ka market vendor nga si Gng. Juliet Cauba, nasaksihan suno pa sini ang natabo nga pagsigabong kun sa diin nagtuga sang tuman nga kahadlok sa nmgga tawo sa palibot sang Isulan public market.
Maayo na lamang suno pa kag indi tuman ka damo ang napilasan bangud indi market day sa nasambit nga banwa apang nakapagkit sang 8 ka mga pilason:
1.) Niño Virgo, 28, vendor, Brgy, Sampao, Isulan, SulKud
2.) Jaren Amigo, 24 laborer, Prk5. Brgy. Biwang, Bagumbayan, SulKud
3.) Jay Carnaso, 30 butcher, Brgy. Dansuli, Isulan, SulKud
4.) Jomar Aquino, 31 CAFGU member, Isulan Sulkud
5.) Gerald Cartagena, 28 baker, Brgy. Little Baguio, Surallah, SoCot
6.) Nasim Gulano, 25, businessman, Brgy. Kalawag I,Isulan, SulKud
7.) Terencio Cagadas, 35, Traffic Enforcer, Brgy. Kalawag II Isulan, SulKud
8.) Leonor Espeda, Market Guard, Isulan SulKud
Samtang dako naman ang pagpati nila nga matumod ang suspek bangud madamo sang CCTV camera sa lugar kun sa diin nagagwa suno pa sa imbestigasyon nga babaye ang gina alegar nga bomber.
Kaangot sini ginbuyagyag man ni Gng. Cauba nga antes pa man ang panibag-o nga pagsigabong nakabaton suno pa sang bomb threat ang ila mayor nga si Mayor Marites Pallasigue kun sa diin yara sa P250,000 ang ginapangayo nga kwarta agud bombahon ang ila banwa.
Sa karon ginakumpirma pa sang Isulan PNP sa pagpanguna ni Police Lieutenant Colonel Joven Bagaygay ang nasambit nga impormasyon.
