KORONADAL CITY- Madinalag on nga naaresto sang Joint AFP-PNP Operatives ang bomb experts sang BIFF-Karialan Faction makaligad nga nagpasang-at sang warrant of arrest sa bisinidad sang Cotabato Regional Medical Center, Barangay Rosary Heights 10, Cotabato City.
Ini ang ginpahayag ni Lt. Col. Dennis Almorato, Spokesperson sang 6ID Phil. Army, sa interbyu sang Bombo Radyo Koronadal.
Suno sa iya ang suspek ang ginkilala kay Kuntong Basilan alyas Tong Basilan kag Michael Basilan nga may duha ka kaso sang Double Murder kag Multiple Frustrated Murder kag isa ka kaso nga Arson nga ginasang-at batok sa iya sang lokal nga korte.
Gindugang pa sini nga ang nasambit nga operasyon ang pinaagi sa gintingob pwersa sanng 90IB, 34IB, PNP-SAF kag CIDG Maguindanao Provincial Field Unit.
Ang nasambit nga suspek ang kilala man nga isa ka bomb expert , isang ka miyembro ni late i Ameril Umbra Kato kag triggerman ni Kumander Paradise.
Lakip man ini sa mga nagkalain-lain nga mga karahasan indi lamang sa mga otoridad kundi mangin man sa pipila ka mga sibilyan.
Dugang pa sini lakip man ini sa gun-for-hire, harassment kag landmine attack sa military installation sa Sitio Risingan, Dungguan, Aleosan, Cotabato; pagsunog sa mga gamit sang mga sibilyan sa Sitio Poypoyon, Dungguan, kag Bagolibas, Aleosan at Baliki, Midsayap, Cotabato sang 2008, kag serye sang mga shooting incidents target ang PNP kag AFP sa Sultan Kudarat, Maguindanao del Norte sang 2019 tubtub 2020.
Sa karon, mas ginpasangkad nila ang ila nga pwersa batok sa retalliatory attack nga matabo batok naman sa mga pagpamahahog sang terorista nga grupo.
