KORONADAL CITY- Patay ang isa ka terorista kag nadkapan ang iya nga mga kaupdanan sa engkwentro sang militar sa banwa sang Maguindanao.
Ini ang ginkumpirma ni Col. Oriel Pangcog , Commanding Officer sang 601st Brigade, Phil Army sa interbyu sang Bombo Radyo Koronadal.
Suno sa iya, ginkilala ang napatay nga si Khamhed Akan Kambal alyas Mheds nga bomber kag bomb expert sang Daulah Islamiya Hassan Group.
Nadakpan naman ang mga kaupdanan sini nga amo sanday si Nasrudin Sali Blah, 22, kag residente sang Barangay Tuayan, Ampatuan, Maguindanao.
Ginpahayag sang opisyal nga nagresponde suno pa ang Koint Task Force Central makaligad nga makabaton sang sugid halin sa mga sibiliyan may kaangtanan sa presensiya sang mga armado nga grupo nga ginapangunahan sang isa ka alyas Alpha King sa Brgy Dicalungan, Ampatuan, Maguindanao.
Nagapasulod pa lang ang tropa sang militar sa kuta sang mga terorista ang gilayon suno pa sila nga ginpalupkan sang grupo ni Kumander Alpha King.
Gilayon naman nga nagbalos ang mga suldado nga nagdugay sang halis katunga sa oras nga engkwentro.
Nagpalagyo naman ang grupo ni Alpha King kag ginbilin ang patay nga lawas ni Kambal samtang nadakpan ang iya nga mga kuapdanan.
Narekober ng militar sa kuta sang mga terorista ang duha ka improvised explosive devices (IED) nga may mga elemento sa paghimo sang bomba, isa ka kalibre .45 nga pistola, mga propaganda materials kag mga personal nga gamit sang mga rebelde.
