KORONADAL CITY- Nagapati si Bangsamoro People’s Congress chief Muslimin Sema nga dako ang mabulig sang Bangsamoro Organic Law sa Mindanao ilabi na saBangsamoro region agud mapabilin ang peace and order sa rehiyon.
Ini bangud ang nasambit nga laye ang ginkasugtan sang mga moro, kristiyano kag lumad rason nga wala sang dapat ikahadlok sa pagpatuman sini.
Samtang sa pihak nga bahin maga-angkon naman sang mapag-on nga kaangtanan ang Moro Islamic Liberation Front kag ang Philippine National Police pinaagi sa paghimo sang National Police Commission Bangsamoro regional Office kun sa diin sa idalom sa gihapon sang National Police Commission kag Department of Interior and Local Government o DILG.
Kaangot sini magaangkon na sang mas mapag-on nga koordinasyon agud papag-unon ang ginapatuman nga seguridad sa rehiyon kag magaangkon sang isa ka tinutuyo nga lagson ang mga terorista nga may plano nga magpalapnag sang kinagamo kag malikawan ang nagluntad nga madinuguon nga engkwentro kasubong sang Mamasapano encounter sang enero 25, 2015 nga eksakto nga ka tuig na subong nga adlaw.
