KORONADAL CITY– Liwat na naman nga nagreklamo ang mga residente sa palibot sang bodega sang KCC Mall of Marbel nga yara sa Gensan Drive, Brgy. Sto. Niño, Koronadal City bangud indi na maantos ang baho.
Suno sa mga reklamante, tuman kabaho ang ila masimutan giakn suno pa sa bodega nga ginapatihan nga gikan sa pahimuan sang mga tinapay.
Sa internbyu sang Bombo Radyo Koronadal kay City Environment and Natural Resources Officer Augustus Bretaña, ginkumpirmar sini nga sang nagligad nga tuig ginreklamo naman ini sa kasubong nga alegasyon kag ginpamulta na sang P10,000 matapos nga mapamatud-an sa ila inspeksyon nga positibo ang reklamo.
Sa ila suno pa nga inspeksyon, gikan ang malain nga baho sa mga pan-os nga tinapay nga wala nabakal sa ila bakery sa mall kag ginabutangan ini sang dilute ukon pampatunaw kag ginapaanod sa kanal nga nagaresulta sang tuman kabaho palibot.
Dugang pa sini nga nagpromisar na sadto ang pamunuan sang mall nga indi na ini masulit apang ;iwat naman nga natabo.
Kaangot sini nagpromisar sa Bombo Radyo Koronadal si Bretaña nga gilayon nila nga tsekyaron ang reklamo kag kun mapamatud-an nga nagbayular liwat naman ini nga pasabton.
