Nakabawi ang Bureau of Customs (BOC) matapos ang kakulangan sa koleksyon sang Mayo, matapos makarekord sang P86 bilyon nga kita sang Hunyo 2026, nga mas mataas sang P2.8 bilyon sa target para sa sina nga bulan.
Suno sa BOC, mas mataas man ini sang 11.7 porsyento kumpara sa P77 bilyon nga nakolekta sang Hunyo 2025.
Sa inisyal nga rekord, nakakolekta ang ahensya sang P491.7 bilyon halin Enero tubtob Hunyo 2026, mas mataas sang 7.2 porsyento kumpara sa P458.7 bilyon sa amo man nga panahon sang nagligad nga tuig.
Nalabwan man sini ang target nga P480.3 bilyon, nga may sobra nga P11.5 bilyon ukon 2.4 porsyento.
Ginpahayag sang BOC nga ang pagsaka sang koleksyon resulta sang mas epektibo nga revenue collection, mas mahugot nga border protection, digital transformation, kag mga reporma sa ahensya.
Gindayaw man sang BOC ang kontribusyon sang iya 17 ka collection districts, lakip ang mas hugot nga customs enforcement, mas maayo nga trade facilitation, compliance measures, kag padayon nga modernisasyon sang ila mga sistema.
Dugang pa, nakapagkit ang Post-Clearance Audit Group (PCAG) sang P2.2 bilyon pinaagi sa ila post-clearance audit operations.
Nagpahayag ang BOC nga padayon ini nga magapangabudlay agud mapadayon ang maayo nga performance kag makab-ot ang P1 trilyon nga revenue target para sa 2026.
