Nakarehistro ang Bureau of Customs sang kabug-usan nga kantidad nga P81 bilyones sang mga nakumpiska nga kontrabando sang Disyembre 2024, halos doble ang kadamuon halin sa nagligad nga tuig.
Sang 2023, nakarehistro ang Customs sang kabug-usan nga kantidad nga 43.29 bilyones.
Suno kay BOC Intelligence Office Alvin Enciso, sobra sa katunga sang seizure value ang halin sa Customs Intelligence and Investigation Service – Manila International Container Port (CIIS-MICP), nga may P55 bilyones nga kantidad sang mga nakumpiska nga kontrabando.
Lakip diri ang mga ilegal nga droga, vape products, frozen mackerel, luxury vehicles, general merchandise, used clothing, fake items, kag agricultural products.
Bangod sini, nagpanawagan si BOC Commissioner Bienvenido Rubio sa mga opisyal sang intelligence group nga padayonon ang ila dedikasyon para sa kadalag-an sang ila opisina.
