KORONADAL CITY – Ginpasalamatan sang pila ka mga nalakip sa Top 12 sang Bombo Music Festival 2020 ang Bombo Radyo Philippines sa pagpatigayon sang nasambit nga kompetisyon nga nagahatag sang ligwa sa mga local composers nga mapakigbahin man ang ila nga talento.
Sa esklusibo nga interbyu sang Bombo Radyo Koronadal kay Francis Lasatin, 27-anyos kag composer sang ambahon nga “Kung Gusto Mo Ako”, tuman na suno pa ini ka excited nga magperform sa Iloilo City apang ginkulbaan man ini bangud ang iban suno pa nga composers ang maayo man..// Ginpakigbahin man sini nga ang iya nga ambahon ang iya nga gincompose sa sulod sang isa ka semana kun sa diin nagalibot ini sa mga babaye nga mga madasig mahulog ang balatyagon sa isa ka persona.
Nangin kaupod man sini sa iya nga komposisyon ang iya nga girlfriend sini nga amo naman ang mangin interpreter.
Sa karon, nagalaum ini nga mabatian sa radyo ang iya original nga komposisyon.
