-- ADVERTISEMENT --
Ginlutos sang Philippine Blu Girls ang Singapore, 4-1, kag nakuha ang bulawan nga medalaya sa women’s softball sa ika-33 nga Southeast Asian Games sa Thailand.
Nangin madinalag-on ang pagpitch ni Royevel Palma nga may 10 ka strikeout sa isa ka kumpleto nga hampang, samtang tatlo ka puntos ang nakuha sang Blu Girls sa pang-anum nga inning agud makuha ang abanse.
Ginhiwat ang hampang sa Queen Sirikit Baseball Stadium sa Pathum Thani, kag ini amo na ang ika-11 nga bulawan nga medalya sang Pilipinas sa patag sang softball.
Ang kadalag-an sang Blu Girls amo man ang ika-45 nga bulawan sang Team Philippines.
Nakuha man sang Blu Boys ang bulawan sa men’s softball matapos ginlutos ang Singapore.
