KORONADAL CITY- Nagpahayag sang kahandaan si Bislig City, Surigao del Sur Mayor Librado Navarro nga makigbuligay sa PNP 12 kaangot sa mga kaso nga ginapangatubang ni Kapa founder Joel Apolinario.
Sa ekslusibo nga interbyu sang Bombo Radyo Koronadal kay Bislig City Mayor Navarro, yara sa masobra 100 ka mga kaso ang ginapangatubang ni Kapa founder Joel Apolinario kag 27 ka mga Arrest Warrants bangud sa pagpanonto sa mga pumuluyo sang Surigao del Sur..//Dugang pa sini nga madamo sang kabuhi ang naguba sang nasambit nga investment scam nga nagpangwarta sang minilyo nga balor sa nasambit nga lugar bag-o nagpalagyo padulong sa Sarangani Province.
Ginhangkat man ni Mayor Navarro ang PNP 12 kag ang National Bureau of Investigation 12 nga lagson si Apolinario agud mapasabat sa pagpanonto nga ginhimo sang mga pumuluyo sini sa Surigao del Sur kun sa diin handa ang Bislig PNP nga makigbuligay.
Samtang ginbuyagyag man sini nga gintilawan na sya nga gubaon ni Apolinario makaligad mabuyagyag ang investment scam nga ini pinaagi sa pagpalapta sang pagpanguba nga ginapangayuan niya kuno si Apolinario sang minilyon nga kwarta agud maghipos ini sa isyu sang investment scam.
