Ginatinguhaan sang Bureau of Internal Revenue (BIR) nga makakolekta sang P359.6 bilyon nga excise tax subong nga tuig bilang bahin sang ila P3.431 trilyon nga target.
Ginapataw ini sa mga produkto kasubong sang tabako, alkohol, kag iban pa nga non-essential nga balaklon, suno sa Tax Reform for Acceleration and Inclusion Law ukon TRAIN Law.
Samtang, ginapaabot man nga manguna ang tabako (P166.6B), sundan sang alkohol (P132.1B) kag sweetened beverages (P42.1B), samtang may dyutay nga bahin ang iban nga sektor.
Nagalaum man ang BIR sang P21.33 bilyon halin sa digital services kag tax reforms kun sa diin gin-base ang target sa 2025 koleksyon kag ginpanubo ang one-time nga kita, kag ginapaabot nga magpabilin nga stable sa mga P359 bilyon ang koleksyon.
