Nagpaandam ang Bureau of Internal Revenue (BIR) nga padayon ang ila operasyon para dakpon ang mga retailer kag reseller sang iligal vape products para matapna ang mga vape smugglers nga ipasulod ang ila nga produkto sa pungsod nga wala naga-agi sa insakto nga proceso.
Bangud sini, nanawagan ang health advocacy group nga SafeVape PH sa mga vape suppliers kag importers nga magpa-rehistro, magkuha sang lisensya base sa Republic Act No. 11900 ukon Vaporized Nicotine and Non-Nicotine Products Regulation Act kag sundon ang packaging standards.
Gusto man sang grupo nga magbayad sang insakto nga buwis ang mga vape suppliers agud makabulig sa public health care program sang gobyerno.
Nagpaguwa sang pahayag ang grupo matapos aprubahan damlag lang sang Department of Trade and Industry (DTI) Office for the Special Mandate on Vaporized Nicotine and Non-Nicotine Products (OSMV), ang aplikasyon para sa akreditasyon sang Guandong Boopower Industry Co. Ltd. (GBPI), kag ang local partner sini nga One Tech Ventures OPC.
