Padayon ang panawagan sang Bureau of Internal Revenue sa husto nga pagbayad sang buwis.
Sa kaangtanan sini, ginpalawig sang ahensya tubtob Hunyo 16 ang pag-file sang aplikasyon para sa Estate Tax Amnesty Program.
Una na nga ginpahayag sang kawanihan nga tubtob subong lang nga adlaw, Hulyo 14, ang katapusan nga adlaw sang pag-file sini.
Sa isa ka pahayag, ginpahayag ni BIR Commissioner Romeo Lumagui Jr. nga sakop sang amnestiya ang mga propedad sang mga napatay antes ukon sang Mayo 31, 2022 nga wala pa nabayaran nga buwis.
Ginpahibalo man sini ang iban pa nga mga payment facility para sa mga luyag pa mag-avail sang programa.
Lakip na diri ang pagbayad paagi sa over-the-counter sa ila mga Authorized Agent Banks, pagbayad paagi sa BIR-approved electronic payment gateways, kag iban pa nga opsyon pareho sang pagpakadto sa mga Revenue District Offices ukon sa mga Revenue Collection Officers.
